NO MES DE MAIO, ZOE ESTÁ DE ANIVERSARIO!
 

Zoe xa ten 4 anos, moitos parabéns! Hai uns días celebramos o seu aniversario coa visita da súa nai, Mar, e da súa irmá Zaira.

Zaira contounos moi ben o conto Orellas de bolboreta (Kalandraka), que escoitamos moi atentos e que nos encantou a todos. Logo, fomos con Mar á cociña para facer uns rulos de chocolate riquísimos e unhas brochetas de uva, fresa e plátano.

Cando rematamos na cociña aínda nos agardaba unha saborosa merendola na aula, cun castelo de chocolate enooooorme!

Pasámolo moi ben, e agradecemos á nai e á irmá de Zoe a súa participación neste día tan especial. GRAZAS MAR E ZAIRA!

 

Aniversario ZOE - Kizoa Editar Videos - Movie Maker

OS TRES CUMPLES DO MES DE ABRIL!

No mes de abril tivemos un montón de aniversarios; Martín, Ainoa e Álex xa teñen 4 anos, parabéns!! Para celebralo, convidamos ás súas familias e con cada unha fixemos un obradoiro diferente: unha marabilla!!

 

 

Á volta das vacacións recibimos a visita de Isabel, a nai de Martín, que veu acompañada de Hío e Nina. Isabel explicounos o que fan os/as veterinarios/as, escoitamos o latexo do corazón de Hío e comprobamos que a Nina non lle gusta moito, aínda, que lle corten as uñas. Pasámolo moi ben con vós e aprendimos moitísimo! Mil grazas a Isabel, Hío e Nina por vir.
  



Aniversario Martín - Kizoa Editar Videos - Movie Maker

Uns días máis tarde celebramos o aniversario de Ainoa! Nesta ocasión, Mabel, a súa mamá, veu ao cole e fixemos un biscoito de plátano que estaba boísimo :)

Tamén fixemos brochetas de plátano e fresa, e coloreamos uns debuxos cos ingredientes que estabamos utilizando ese día na cociña.

Merendamos xuntos, sopramos as velas, e levamos biscoito riquísimo a casa.

Moitísimas grazas por vir, Mabel! 

 

Aniversario Ainoa - Kizoa Editar Videos - Movie Maker

E xa no mes de maio celebramos o aniversario de Álex co seu papá, Alberto! Con el fixemos uns deliciosos e monstruosos bocadillos de xamón e queixo. Utilizamos un molde para facer a cara do monstro, e puxémoslle dentes, lingua e ollos. Quedáronnos xenial!

Sorprendéronnos cun biscoito con forma de coche no que Álex soprou a vela dos 4 anos :)

Grazas por vir, Alberto!

 

 

Aniversario Álex - Kizoa Editar Videos - Movie Maker

 

Moitísimas grazas pola vosa participación neste día tan especial para os pequenos/as!